Mae Prosiect Belong wedi bod wrthi’n grymuso lleisiau ffoaduriaid ifanc a’r rhai sy’n ceisio lloches. Yn eu gweithgareddau diweddar, mae’r grŵp wedi llwyddo i fynegi eu hunain a chodi ymwybyddiaeth am eu profiadau.
Sesiynau Trosleisio
Drwy weithio ochr yn ochr â ProMo Cymru, mae nifer o bobl ifanc Belong wedi cynnig eu llais ar gyfer fideo sy’n rhoi arweiniad i blant ar eu pen eu hunain yn ceisio lloches. Roedd y sesiynau yn rhoi llwyfan i’r bobl ifanc hyn rannu eu straeon a’u profiadau yn eu hiaith eu hunain. Yn ystod y sesiwn gyntaf, recordiwyd sgriptiau yn Saesneg, Arabeg a Chwrdeg Sorani.
Gweithgareddau Creadigol NoFit State
Uchafbwynt diweddar arall i’r prosiect oedd eu cydweithrediad â syrcas NoFit State. Rhoddodd y Prosiect Belong a NoFit State gyfle i bobl ifanc fynegi eu hunain drwy weithgareddau amrywiol fel sgiliau syrcas, celf stryd a cherflunio. Roedd y sesiynau yn helpu’r bobl ifanc i wella eu sgiliau creadigol ac hefyd yn rhoi hwb i’w hyder a’u hunan-barch.
Cwrdd â’r Comisiynydd Plant
Cyfarfu’r Prosiect Belong â’r Comisiynydd Plant Rocio Cifuentes i drafod materion sy’n wynebu eu cymunedau. Roedd y drafodaeth yn gyfle i leisio pryderon ac archwilio ffyrdd o gefnogi ffoaduriaid ifanc yng Nghymru. Yn ystod y sesiynau hyn, daeth y bobl ifanc yn rhan o brosiect llysgenhadon cymunedol y Comisiynydd Plant.
Mae’r Prosiect Belong yn rhan o’n tîm Rhaglen Ffoaduriaid a Cheiswyr Lloches. I ddysgu mwy am ein tîm, ewch i’w herthygl ->
TGP Cymru
Cardiff University Social Science Research Park (SPARK)
sbarc
Heol Maindy
Caerdydd
CF24 4HQ
